नेपाल धितोपत्र बोर्डमा डा. गोपाल भट्टलाइ नियुक्त गर्ने निर्णय सँगै मन्त्रीपरिषद बैठकले अन्य निर्णयहरु पनि गरेको छ । शुक्रबार प्रधानमन्त्री तथा मन्त्रिपरिषद्को कार्यालय सिंह्दरबारमा बसेको मन्त्रीपरिषद्को बैठकका मुख्य निर्णयहरु के के छन् त?
१.नेपाल विशेष सेवा ऐन, २०४२ को साविकको व्यवस्था जगाउने सम्बन्धी विधेयक संघीय संसद् समक्ष पेस गर्न स्वीकृति दिने ।
२. नेपाल धितोपत्र बोर्डको अध्यक्ष पदमा डा। गोपाल प्रसाद भट्ट, कैलालीलाई नियुक्ति गर्ने ।
३.सहकारी सम्बन्धी प्रचलित कानुनलाई संशोधन र एकीकरण गर्न विधेयक तर्जुमाको लागि सैद्धान्तिक स्वीकृति गर्ने ।
४. बचत तथा ऋण सहकारी (नियमन तथा सुपरीवेक्षण) सम्बन्धमा व्यवस्था गर्न बनेको विधेयक तर्जुमाको लागि सैद्धान्तिक स्वीकृति गर्ने ।
५. राष्ट्रिय सेवा दलसम्बन्धी कानुनलाई संशोधन र एकीकरण गर्न बनेको विधेयक संघीय संसद्मा पेस गर्न स्वीकृति प्रदान गर्ने ।
६. संघीय संसद् समक्ष देहायका प्रतिस्थापन विधेयकहरू पेस गर्न स्वीकृति प्रदान गर्नेः
-सहकारी ऐन, २०७४ लाई संशोधन गर्न बनेको विधेयक
-सार्वजनिक खरिद ऐन, २०६३ लाई संशोधन गर्न बनेको विधेयक
-सम्पती शुद्धीकरण (मनी लाउण्डरिङ्ग) निवारण ऐन, २0६४ लाई संशोधन गर्न बनेको विधेयक
-स्वास्थ्य विज्ञान प्रतिष्ठान सम्बन्धी केही नेपाल ऐनलाई संशोधन गर्न बनेको विधेयक
